Regional

Ich ha mii scho mängisch gfroggt, wenn as öbbis Regional isch. Jetz han ich vor e baar Dääg in deere Zyttig en möögligi Erkläärig gfunde. E Schurni isch im Baselbieter Hauptstädtli in ere altyygsässene Bäiz go yyenbyyge. Er beschryybt das under anderem esoo: «…die Speisekarte ist regional ausgerichtet…». Gmangsched hed är zur Voorspyys: «Ruccolosalat mit Mangoscheiben und Jakobsmuscheln an einer Barbecuesauce». Soo, jetz wäiss ich äntlig, was Regional isch.

yyneebyyge = tüchtig essen
mangsche = lustvoll Essen

In Basler Zeitung veröffentlicht | Kommentieren