Für s mäischt hed me jo hütt e – gschnälli – Löösig baraat. Und doch gits no die äint oder ander chlyyni Sach, wo me no draa am Hiirnen isch. Zum Byspiil der Chiirssiuuflauf. Äigedlig es äifachs Desseer, wo scho my Ääni und woorschyynlig au my Äänigroosmuetter bache hed. Numme. Chömme jetz in dä Uuflauf Chiirssi mit oder ooni Stäi? Mit Stäi syy alli Chiirssi am Boode vom Chueche. Ooni Stäi syy sii schön verdäilt, aber dr Chuechen isch denn gärn e chlyy pflüddrig. Soo, wäärdet dir sääge. Was sell die Uufreegig wäägen e baar Stäi. Aber gääbed emool emen amerikanische Affykaat es Stück vo däm Chueche. Dä bysst denn uf es Chiirssi mit Stäi, will er chuum gwüssd hed, as Chiirssi nit entstäint am Baum hange. Denn wüssed dir, waas iich mäin.
Ääni = Grossmutter
Affykaat = Advokat
