Es hed nit vill gfeelt und d Gäissfäkte weren um es Hoor vonere Tschuppele düppelhürnige Gaalaffen und Gäggsnaase häimgsuecht worde. Der 16-jöörig Suun vomene berüemte Medienaawalt us Rüünebäärgg, jo dä, wo öis voreme Zyttli verdüted hed, wie me z grächtem e Zyttig macht, hed über «facebook» und «WhatsApp» zu sym Geburtsdaag yyglaade. As an däm Fescht au e chly luschtig zue und hääre goot, hed er in der Yylaadig alli bätte, oorteli z Drinke (käi Sirup) und was sünscht no so bruucht, mitznee. Glyy häi sich öbbe duusig Lüt aagmäldet und die Sach isch zum Rueder uusgloffe. Velicht weeris besser, der Vatter würdi, statt öis d Wält z erklääre, sym Suun klaar mache, wie d Medie funktioniere.
Gäissfäkte = Neckname für die Rünenberger
Gaalaffe = geckenhafte, junge Männer
