E Vetter vo miir, wo z Baasel woont, hed miir die Dääg e Chuehandel voorgschlaage: Miir vom Land selle doch d BVB übernee. Joo, han iich dänkt, nit schlächt. Denn chönnte miir deene Burschte byybringe, wo der Baartli der Moscht hoolt. IIch ha lang drüber noochedänkt, was me chönnti as Geegegschäft aabiete. Underäinisch ischs miir yygfalle: D Stedter chönnte doch vo öis en Olt-Regierigsroot vo der FDP und äine vo der SVP übernee. Bringt aber allwäg au nüt, oder andrescht gsäit – es isch Hans wie Häiri. Soo wies nämmlig der Aaschyyn macht, sy die öbbe glych gyttig wien e Däil Heere vo der BeeVauBee. Äinewäg: es gfröits 2014.
Gyt = Gier
wo der Baartli der Moscht hoolt = den Meister zeigen
