Jä, liebi Vättere. Das mues äifach äinisch gsäit sy. Häit dir öich schon emol überläit, was öichi Ehefraue läischte, wenn sy sech mit em Jungwaar duur e Sissecher Herbstmäärt kämpfe? Wääred dir im klimatisierte Kundoor hocked, schläipfe d Müettere der Noochwuchs, wo sit drei Stund am Zwängen isch, an Blaschtig-Byschtoole, blaarige Luftballöön, billige Cowboy-Hüet und e huffen anderem Ginggernillis verbyy und säägen öbbe duusigdreihundertsächsefüfzgmool: Näi! Häi d Müettere denn noo däm ganze Duurenander vergässe Maagebroot häizbringe, stuuched dir se no zämme.
Jungwaar = Nachwuchs
wääred = während
Kundoor = Büro