Näi. Ebe grad nit. Die vo der Baselbieter Volchsbartei, oder ämmel e Däil dervoo, wäi em Volch, drum häisst die Bartei jo au Volchsbartei, d Möglichkäit geh, go z stimme. Drumm häi die vo der Volchsbartei, oder ämmel e Däil dervoo, s Referändum gege d Zuesatzfinanzierig für d Sanierig vo der Pensionskasse vo der Uni Basel vom Haag grisse. Guet so. Chunnts nämmlig zur Abstimmig, häi die Aagstellte bim Staat und bi de Gmäinde äntlig wiider öbbis z due. Drumm ischs guet, häi mir e Volchsbartei wo luegt, oder ämmel e Däil dervoo, as alli Aarped häi und sich müesen e chly apschinde – au wenn das der Stüürzahler e rächte Batze choschted.
stimme = votieren oder abstimmen
apschinde = schwer arbeiten
