Muuchäime

Allewyyl, wenn der Noldi vom Chlöpfgatterhof zümftig der Chopf schüttled, isch em öbbis übers Lääberli gchräsmeled. Und scho hed er afo wouele: «As öb das öbbis Nöis weeri mit de frittierte Muuchäime.» Es sygi no nit so lang häär, do häigs im Reschtaurant Hirsche z Schwarthuuse zwüschenyynen immer öbben e Häimli im Wurschtsalaat ghaa. Do häig men albe nit sone huere Komeedi gmacht. Me häig das Vyych, ohni groossi Fysymadänte z mache und ohni z chöie, gschluckt und drüberaaben e Schnaps gnoo. Gstoorbe syg ämmel wäägedäm e käine.
Muuchäime, Häimli = Grille
chräsmele = kriechen
woule = murren