Zerscht hed me gmäint, dää sygi nit so vo Meerkige. Aber denn. Ohalätz. Är isch halt doch es gmeerkigs Bürschtil, der Vizebreesi bim Baselbieter Stroofgricht. Er hed nämmlig gmeerkt, as är aafangs Juni e Säich gmacht hed. Aso. Nit nummen är hets gmeerkt. Alli, wo im Grichtssaal gsii sy, häi gmeerkt: Dä isch nit so vo Meerkige. Aber wie gsäit, jetz hets der Vizebreesi doch au gmeerkt, as är nit so vo Gmeerkigen isch und hed der Bättel aanegheit.
Nit vo Meerkige = eine Person, die auch gar nichts merkt
gmeerkig = schnell von Begriff
