Oorteli komfuus bin ich vor em Gstell mit den Äier gstande. E Riisenuuswahl. S hed Äier ghaa vo Hüehner, wo nummen am Daag, in der Nacht oder mit äim Bäi dusse gsii syy. Denn hets Äier ghaa vo Byppi, wo gaar nit uuse häi dörfe oder numme häi dörfen e chlyy uus em Hüehnerstall luege. S hed gchochti und raaui Äier ghaa. Was no fehlt sy vegetaarischi und vegaani Äier. Aber das chunnt sicher au no. Aber Salaatäier sy fäilbotte worde. Vo weelem Dier as denn d Salaatäier syyge, han ich d Verchäuffere gfrogt. Sii hed e chly noochedänkt und denn gsäit, sy nämmi aa, as die au vo Hüehner syyge. Vom Buurehoof. Ebe vom Buur halt, säit sy wytter. Ich ha denn käini Salaatäier vom Buur gnoh.
komfuus = verwirrt
oorteli = ziemlich
Byppi = Huhn