Früehner isch der Apfall, also die doote Tier und sünscht alles, wo me nit gwüsst hed wo aane dermit, mit em Glöggeliwaage apghoolt worde. Hütt goht das alles vill gsitteter zue und hääre. Fascht scho klynisch räin. Numme z Brislach ischs anderscht. Dört häi zwee Söiniggel es äignigs Fuehrundernäämen ufdoo und ihre Grümpel under anderem au z Sissech verdäilt. Äi Underschiid zum Glöggeliwaage vo früehner aber gits: Isch bim Glöggeliwaage der Grümpel uf em Waage gsii, isch er bi de beede Brislacher Grüüsel uf em Traktor ghockt – was höchschtwahrschyynlig für en Erwäänig im Glöggeliwagä längt.
Glöggeliwaage oder Glöggeliwagä: Ersterer = pferdebespannter Kehrichtwagen mit Glocke. Letzterer = rund 80-jährige, noch existierende Sissacher Fasnachtszeitung.
