Jahresarchiv: 2017

Haawass

Ou, wenn das der Donald Trump wüssti. Scho wiider «fake news». Doo verbräited doch s Regionalschurnal vom Schwyzer Radio SRF, der Waldeburger Gmäindroot welli d Chille verchauffe. Nüt doo, säit d Gmäinibreesene vo de Wölf. D Chille blybt im Dorf und wird nit verschäärbelet. Guet. S Gäld chönnte sy im Uhredorf scho bruuche. Numme. Wär […]

In Basler Zeitung veröffentlicht | Kommentieren

Völkerverständigung

Soo. Jetz zäigt e Landschäftler de Bebbi, wos duure goht. As der Lukas Ott z Basel au alli richtig verstönde, doon e baar Usdrück, wos Zäämelääbe lychter mache. D Usdrück sy zuefellig usgweelt und häi nit bartuu öbbis mit der Wahl vom nöie Basler Stadtentwickler z due. äänefer = jenseits, Mähl am Eermel = dumm, […]

In Basler Zeitung veröffentlicht | Kommentieren

Wäärch

Aso e chlyy mues me die zwölfjöhrige Gälterchinder Schützligbuebe scho verstoh, as sy uf em Schuelhuusblatz mit Wäärch husiere. Uf der äinte Sytte isch daas verbotte. Uf der andere Sytte göngen d Eltere z Lieschtel gon es Hanfchüssi, Hanfpesto, Hanfschoggi oder es Goji-Hanf-Müesli go chauffe. Doo wüsse doch die Chnopfli nümm, waas Rächt und waas […]

In Basler Zeitung veröffentlicht | Kommentieren

Glöggeliwaage

Früehner isch der Apfall, also die doote Tier und sünscht alles, wo me nit gwüsst hed wo aane dermit, mit em Glöggeliwaage apghoolt worde. Hütt goht das alles vill gsitteter zue und hääre. Fascht scho klynisch räin. Numme z Brislach ischs anderscht. Dört häi zwee Söiniggel es äignigs Fuehrundernäämen ufdoo und ihre Grümpel under anderem […]

In Basler Zeitung veröffentlicht | Kommentieren

Kujoniere

Der Scheff vom Basler Juschtiz- und Sicherhäitsdepartemänt hed e nöi Stroof zwäägbrittled, wien är d Rammel cha kujoniere. Wenn nämmlig e Baselbieter Dokter s Auti in der Stadt nöimen aanestellt, will er ämene Bebbi es Pflaschter mues uf es Boboo chlääbe, choscht die Parkcharte nöi statt 70 jetz underäinisch 200 Franke im Johr. Wär wäiss. […]

In Basler Zeitung veröffentlicht | Kommentieren