Jahresarchiv: 2018

Brääme

Mer häi änand lang aagluegt – d Chue und ich. Derbyy isch mer ufgfalle, as das Höihüüsli allewyyl wie wild der Chopf schüttled, will hunderti vo Fliegen und Bräämen um sen umme pfuured sy. Ich ha mi gfroggt, öbb die armi Chue amme zoobe, wenn sy wiider im Stall isch, Chopfweh hed? Und wenn joo, […]

In Basler Zeitung veröffentlicht | Kommentieren

Vegane Chees

Es isch käis guets Zäiche, wenn der Noldi vom Chlöpfgatterhoof duet wien e Chatz am Hälsig. Öb ich s au glääse häigi, froggt er mii. Im Tessin döige zwee italiänischi Gaschtwirt sit nöischtem vegane Chees mache: «Nit us Milch, wie me normalerwyys Chees macht. Us Cashewnüss mache die so öbbis wie Camembert, Taleggio und Gorgonzola», […]

In Basler Zeitung veröffentlicht | Kommentieren

Gnuusch im Faadezäinli

Sappermänt. Was häi die z Lieschtel wiider für es Gnuusch im Faadezäinli. Me cha lääse, as d Regierigsröötene vo der Bou- und Umwältdiräkzioon mit em Scheff vo der Baselbieter Wirtschaftschammere schyyns e chly z fescht gnööchberlet häigi. Jetz isch Füür im Dach – und zwar zümftig. Bananerepublik, Bschiss, Ärdbeebe, döönts vo alle Sytte. Aso fascht […]

In Basler Zeitung veröffentlicht | Kommentieren

Finanzuusglyych

Was Chäibs mache d Gälterchinder besser as z Sissecher? Wohrschyynlig sy sy besser im Joomere – d Gälterchinder. Sissech zahlt nämmlig fascht e Million Franke in Finanzuusglyych yy und d Gälterchinder chömme fascht vier Millione Franken us dem Chübel über. Guet, wärde d Gälterchinder sääge, wo nit vergääbe der Übernaame Brootwurschtzipfel häi. Numme mit Bärze […]

In Basler Zeitung veröffentlicht | Kommentieren

Regional

Ich ha mii scho mängisch gfroggt, wenn as öbbis Regional isch. Jetz han ich vor e baar Dääg in deere Zyttig en möögligi Erkläärig gfunde. E Schurni isch im Baselbieter Hauptstädtli in ere altyygsässene Bäiz go yyenbyyge. Er beschryybt das under anderem esoo: «…die Speisekarte ist regional ausgerichtet…». Gmangsched hed är zur Voorspyys: «Ruccolosalat mit […]

In Basler Zeitung veröffentlicht | Kommentieren