Hätzle

Vom mym Bürofänschter uus chan ich s Hätzlibäärli beobachte, wie sy an ihrem Näscht uf ere Birken ummefygureetle. Bständig fliege sy mit Neschtli aane, wo sy irgendnöime gstybitzt häi. Schöön süüferlig flächte sy us dene Neschtli es Näscht. S isch nit graad e Bracht, was die zwöi boue. Wohrschyynlig isch d Bouaaläitig vomene schwedische Mööbelhuus. Aber äinewääg. Es chönnti sich e mänge Bouarbeiter es Byspiil neh. Die zwöi Vöögel schaffe nämmlig au übers Wuchenändi und göngen am Nüüni au nit go Znüüni neh.

Hätzle = Elster
fygureetle = herumbasteln

Dieser Beitrag wurde in Basler Zeitung veröffentlicht. Ein Lesezeichen auf das Permalink. setzen. Kommentieren oder einen Trackback hinterlassen: Trackback-URL.

Einen Kommentar hinterlassen

Ihre E-Mail wird niemals veröffentlicht oder weitergegeben. Erforderliche Felder sind mit * markiert

*
*

Sie können diese HTML-Tags und -Attribute verwenden <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>