Jahresarchiv: 2018

Schwiirig

s isch schwiirig – soumeessig schwiirig. Das mit der Mundart. Wohrschyynlig chunnts doodervoo, as zum Byspiil d Jumpferen usem Baselbiet, wo d Fäärnsehsändig Glanz & Gloria moderiert, s Manuskript uf Hochdütsch gschriibe hed. Deranderwääg hätt sii allwääg chuum über s Usschäide vo de Schwyzer Schütteler gege d Schwede gsäit: «… d Usschäidig vo der Schwyzer-Nazionaalmannschaft…». […]

In Basler Zeitung veröffentlicht | Kommentieren

En anderi Wält

Der Rudolf-Steiner-Chindergaarten isch uus. E huffen Auti und Wello mit Aahänger sy am oder uf em Drottwaar parkiert. Die transportiere denn die wohlbehüetede Buuse zrugg in ihri wohlbehüetedi Umgääbig. E Frau mitemene Chinderwaage, wo gärn duure wetti und sich über das Vercheerschaos ufreggt, froggt äini, wo im Chaare hockt, öb s Döchterli denn nit elläi […]

In Basler Zeitung veröffentlicht | Kommentieren

Händle

Bi de Chruttstoorzen unde händle sy wiider äinisch. Sy häi der Regierigsroot Weber am Wiggel. Statt midenander z schwätze, wärde duzwytt Strooffaazäige gmacht. Soo häi alli Aarped und es wird niemerem langwyylig. Doo chunnt mer e Spruch z Sinn, wo albe mi Vatter bruucht hed, wenn sy enander uf e Mölderi gee häi: «Wemmer nit […]

In Basler Zeitung veröffentlicht | Kommentieren

Der alt Göppel

Er chunnt no äinisch. Lang und bräit hed der Regierigsroot Isaac Räber erkläärt, worum er gäärn vier wytteri Johr wetti regiere. Das isch jo alles guet und rächt. Der wohri Grund isch aber allwääg ganz en andere. Wär nämmlig em Isaac Rääber sys Weeloo schon emoll gseh hed, wäiss, worum är s Regänte nit cha […]

In Basler Zeitung veröffentlicht | Kommentieren

S Baredyys

D Dänkfabrik «Sentience Politics» hed die letscht Wuche e nazionaali Volksinitiative gstartet, mit em Ziel, d Massedierhaltig in der Schwyz apzschaffe. Was für e dolli Idee. Und soo, wien ich d Schwyzerinne und d Schwyzer kenn, sy die au gärn beräit, e baar Fränkli meh für s Kilo Fläisch uszgee. Und: Niemer me goot ins […]

In Basler Zeitung veröffentlicht | Kommentieren