Kategorien-Archiv: Basler Zeitung

Drooschtloos

Öbbis Guets hed der Froscht vo Ändi Abrelle ghaa. Der frömde Kirschessigfliege us Japan, der Drosophila suzukii, ischs Liebimache vergange. Wääge deere Souchelti hed die Fliege der Rüssel yyzooge. Jetz wartet sy uf bessers Wätter. Numme, das isch e chlyyne Drooscht. Will jo die mäischte Chiirssi verfroore syy, gits hüür allwääg auch käi Kirsch – […]

In Basler Zeitung veröffentlicht | Kommentieren

Beeri oder Schluufichäib

Ich wäiss nit, öbbs es Beeri oder e Schluufichäib isch. Aber dä oder die, wo jeedes Mool der Göppel vor e Welloständer bim Fitnesscenter stellt, goht mer langsam aber sicher uf e Sack. Ich ha noonig emool richtig afo Hantle stämme, bin ich scho halbers kabooris, will ich mi mues an däm Chaare duurequätsche und […]

In Basler Zeitung veröffentlicht | Kommentieren

Hed die äin am Häntsche?

Liidig het sy «Fleisch» ghäisse, d Diräktäre vom «Staatssekretariat für Wirtschaft (Seco)». Numme soo cha me sich erklääre, as die Daame zur Zytt sich soo staarch für Grill- und Oofehäntschen yysetzt. Dank ihre wäiss ich jetz nämmlig, in was für Gfohren ich gsii bii, wenn ich s süttig häissi gussyysig Düpfi us em Oofe gnoh […]

In Basler Zeitung veröffentlicht | Kommentieren

S Löifelfingerli

Dermit d Milchmöichli, d Suursuppefrässer, d Flööjeeger, d Summerauer und d Öpfelschnitzer zuekümftig nit mit em Fuehrwärch uf Sissech müesse, sammled s halb Baselbiet Underschrifte, as s Läufelfingerli nit yygoht. Aber velicht wäi die gar nit uf Sissech. Velicht wäi die so gschnäll as möglig uf Olte – in Nääbel. Äinewääg. Es sy schon e […]

In Basler Zeitung veröffentlicht | Kommentieren

Muuchäime

Allewyyl, wenn der Noldi vom Chlöpfgatterhof zümftig der Chopf schüttled, isch em öbbis übers Lääberli gchräsmeled. Und scho hed er afo wouele: «As öb das öbbis Nöis weeri mit de frittierte Muuchäime.» Es sygi no nit so lang häär, do häigs im Reschtaurant Hirsche z Schwarthuuse zwüschenyynen immer öbben e Häimli im Wurschtsalaat ghaa. Do […]

In Basler Zeitung veröffentlicht | Kommentieren