Kategorien-Archiv: Basler Zeitung

Ummestriele

Früelig. Jetz striele wiider d Röiber ums Huus umme. Näi, nit die zwöbäinige, die vierbäinige. Das bedüted, as uf d Äidächsli, d Blindschlyyche, d Lybelle, d Vöögel und d Glögglifrösch e schweeri Zytt zuechunnt. D Dierschützer sääge, doo chönn me halt nüt mache, wenn d Chatzebüüsi im Garten ummemorde. Daas sygi d Natur. Ich bi […]

In Basler Zeitung veröffentlicht | Kommentieren

Hätzle

Vom mym Bürofänschter uus chan ich s Hätzlibäärli beobachte, wie sy an ihrem Näscht uf ere Birken ummefygureetle. Bständig fliege sy mit Neschtli aane, wo sy irgendnöime gstybitzt häi. Schöön süüferlig flächte sy us dene Neschtli es Näscht. S isch nit graad e Bracht, was die zwöi boue. Wohrschyynlig isch d Bouaaläitig vomene schwedische Mööbelhuus. […]

In Basler Zeitung veröffentlicht | Kommentieren

Määrt

Früeligsmäärt z Sissech. D Blache vo de Määrtständ flääderen im Byyswind. Der Duft vo bröötlete Würscht lytt in der Luft. Bi äim Stand schmeckts schuurig noo Chnooblech. Es chömmen äim chlyyni Chinder mit zuckerwatteverschmiirte Müüler entgeege. Bim Chläiderstand broobiert en älteri Frau e wullige Tschoope. Dä Stand, won ich aber allewyyl aanegang, isch dä mit […]

In Basler Zeitung veröffentlicht | Kommentieren

Rossbölle

Z Sältischbäärgg bi den Äärpbeerischnitzer gits es Brobleem. D Rytter löie d Rossbölle vo ihre Schindlebygger äifach uf der Strooss lo ligge. Jetz hed der Gmäindroot gnueg und bitted d Rytter, das Züüg z zäämelääse. Ich hätt e Voorschlaag vo mym Groossvatter seelig, was me mit deene Bölle Gschyyds chönnt aafoo: Dröchne, denn im Staubzucker […]

In Basler Zeitung veröffentlicht | Kommentieren

D Butzfraue

Gohts em Kanton Baselland emänd doch schlächter, as me bis doo aane aagnoo hed? Oder anderscht umme gfroggt: Wie schlächt mues emene Kanton goh, as d Däscheblätzer d Butzfraue müesen entloo? Daas, will der Kanton die Fraue, wo d Lieschtler Sekundarschuelhüüser spöönle, nümm will zahle. Aber es isch wie allewyyl. Nöime mues me halt afo […]

In Basler Zeitung veröffentlicht | Kommentieren