D Woored

Sell me d Woored säägen oder lieber nit ? Nit äifach. S isch halt derfür und derwiider. Der Choch chunnt an Disch und froggt: «Ischs guet gsii?» Näi, s ischs nit guet gsii. S Gmües verchocht. Die bääite Härtöpfel läätschig. S Fläisch e Ringgel. Säit me jetz, s isch guet gsii, macht der Choch im glyyche Stiil wytter. Säit me, s isch nit guet gsii, chas syy, as me s Rüehrschytt an d Chürbsen überchunnt. Dir gsäiet, es isch jeedes Mool e häikli Entschäidig.

bääie = leicht rösten
läätschig = schlaff
Ringgel = zähes, sehniges Fleisch
Rüehrschytt = lange, hölzerne Holzkelle

In Basler Zeitung veröffentlicht | Kommentieren