Mee as d Helfti vo dr Zytt hed hüür öise Volksverdrätter Gysi z Bäärn oobe gfeelt. Hed, will er halt öbbis anders, öbbis Wichtigers z due ghaa hed, e huffen Abstimmige – ebe mee as d Helfti – versuumt. Velicht hed er aber au numme dänkt, die dört oobe versuume iin numme mit iirem Gschwätz. Oder er würdi allwääg nit vill versuume, wenn er däm Sämpf, wo jetz bsunders voor de Bundesrootwaale verzellt wird, nid müessi zueloose. Iich muess jetz aber an deere Stell glyych sääge. Mir müessen au Zueloosen und in de Zyttige drüber lääse, waas die gschyyde Mannen und Fraue z Bärn oobe wiider uusegloo häi. Mit em Underschiid: Miir syy käini Volksverdrätter und syy nid zaalt fürs Zueloose.
Nüt für Unguet, as iich öich versuumt haa.
versuumt = verpassen
Sämpf = Senf