D 47-jöhrig Elefantechue Malayka us em Basler Zolli isch sit zäh Daag dood und allewyyl strytted me sich no, was mit der alte Daame söll bassiere. In der Zyttig hed me jo chönne lääse, as d Lyych in der Dierkadaaverentsoorggigs-Stazioon z Lyss sell verbrennt wärde. Das basst jetz aber enere Draguunere us em Dorf vo de Chruttlämpe gaar nit. Si schloht imene Lääserbrieff in der BaZ voor, das Dier z kremiere und d Äsche im Zolli z vergraabe. Numme. Wie bringt men e ganzen Elefant in Oofe vom Krematorium?
Draguuner = energische Frau
Chruttlämpe = Übername für die Wintersinger