s isch schwiirig – soumeessig schwiirig. Das mit der Mundart. Wohrschyynlig chunnts doodervoo, as zum Byspiil d Jumpferen usem Baselbiet, wo d Fäärnsehsändig Glanz & Gloria moderiert, s Manuskript uf Hochdütsch gschriibe hed. Deranderwääg hätt sii allwääg chuum über s Usschäide vo de Schwyzer Schütteler gege d Schwede gsäit: «… d Usschäidig vo der Schwyzer-Nazionaalmannschaft…». Usser sii wäis würklig, was d Schütteler alles eso usschäide.
doodervoo = davon
deranderwääg = sonst